Skip to content
Home » श्री गणेशपञ्चरत्नम् | Shri Ganesha Pancharatnam

श्री गणेशपञ्चरत्नम् | Shri Ganesha Pancharatnam

श्री गणेशपञ्चरत्नम् | Shri Ganesha Pancharatnam :–>गणपति बप्पा मोरया! इस शुभ गणेश चतुर्थी के दिन भगवान गणेश को विनम्र भेंट के रूप में आदि शंकराचार्य के दिव्य गणेश पंचरत्नम को प्रस्तुत करते हैं। सभी वरदानों के दाता हम सभी के सुख और समृद्धि के लिए अपना आशीर्वाद प्रदान करें।🙏🙏

श्री गणेशपञ्चरत्नम् | Shri Ganesha Pancharatnam

श्री गणेश पंच रत्न स्तोत्र!
मुदाकरात्तमोदकं सदा विमुक्तिसाधकं
कलाधरावतंसकं विलासिलोकरक्षकम् ।
अनायकैकनायकं विनाशितेभदैत्यकं
नताशुभाशुनाशकं नमामि तं विनायकम्

नतेतरातिभीकरं नवोदितार्कभास्वरं
नमत्सुरारिनिर्जरं नताधिकापदुद्धरम् ।
सुरेश्वरं निधीश्वरं गजेश्वरं गणेश्वरं
महेश्वरं तमाश्रये परात्परं निरन्तरम्

समस्तलोकशंकरं निरस्तदैत्यकुञ्जरं
दरेतरोदरं वरं वरेभवक्त्रमक्षरम् ।
कृपाकरं क्षमाकरं मुदाकरं यशस्करं
मनस्करं नमस्कृतां नमस्करोमि भास्वरम्

अकिंचनार्तिमार्जनं चिरन्तनोक्तिभाजनं
पुरारिपूर्वनन्दनं सुरारिगर्वचर्वणम् ।
प्रपञ्चनाशभीषणं धनंजयादिभूषणम्
कपोलदानवारणं भजे पुराणवारणम्

नितान्तकान्तदन्तकान्तिमन्तकान्तकात्मजं
अचिन्त्यरूपमन्तहीनमन्तरायकृन्तनम् ।
हृदन्तरे निरन्तरं वसन्तमेव योगिनां
तमेकदन्तमेव तं विचिन्तयामि सन्ततम्

महागणेशपञ्चरत्नमादरेण योऽन्वहं
प्रजल्पति प्रभातके हृदि स्मरन् गणेश्वरम् ।
अरोगतामदोषतां सुसाहितीं सुपुत्रतां
समाहितायुरष्टभूतिमभ्युपैति सोऽचिरात्

Recent Post

Leave a Reply

Your email address will not be published. Required fields are marked *